الحدث-كندا-خاص حليم كرم
صرح رئيس جهاز الشهداء والأسرى والمصابين في حزب القوات اللبنانية شربل أبي عقل لموقع الحدث-كندا ان قداس الشهدا هو مناسبة ثابتة بروزنامتنا السنوية بحزب القوات اللبنانية وهو ام المناسبات كلو بيتغير ما عدا هالقداس لانه شهدائنا حاضرين معنا بكل لحظة ولولا شهادتن ما كنا بقينا هون ولا كان في لبنان وكنا صرنا من الماضي وطلعنا من الجغرافيا مش كتير ابدا انه نصليلن ونتذكرن

رفاقنا الشهدا يلي رووا بدمن هالارض وثبتوا وجودنا فيها ونحن اليوم بفضلن وفضل تضحياتن عم نكتب التاريخ من جديد ونرسخ وجودنا اكتر واكتر بتحقيق مزيد من الاهداف يلي من اجلها استشهدوا

شهادتكن وتضحياتكن هني البوصلة يلي بتوجه وبتحدد مسارنا السياسي والحزبي

وهيدي السنة اسثنائية لانه الأحداث يلي مرقت وعم تمرق بمنطقتنا كبيرة ومش عادية لانه في اطراف كانوا سبب مباشر باستشهاد رفاقنا بطلوا موجودين

اهلنا ورفاقنا بالغربة يلي منتشرين بكل اصقاع الارض اكيد فيكن اهل ورفاق للشهدا واكيد كمان انه تركتوا البلد لاسباب قاسية عليكن وعلينا كلنا بدي تطمنوا لانه

المواجهة مستمرة والاهداف عم تتحقق بفضل وجود حزب القوات اللبنانية بقيادة حكيمة واعية مدركة ومصممة على اكمال هالمسار من اجل بناء دولة قوية قادرة قرارها بايدها تؤمن مستقبلنا ومستقبل اولادنا واجيالنا

ان قضية الشهدا ستبقى حية في ضميرنا ومن لا يحفظ شهادة شهدائه لا يملك تاريخا ولا يكون له مستقبل.